चितवनमा थप १३ जनामा कोरोना संक्रमण पुष्टि भएको छ।  

भरतपुरको कोभिड १९ प्रयोगशालामा शनिबार  राति गरिएको परीक्षणमा चितवनका १० जना सहित १३ जनामा संक्रमण पुष्टि भएको हो।  भरतपुर महानगरपालिकाका ७ जना र राप्ती नगरपालिकाका ३ जनामा कोरोना संक्रमण पुष्टि भएको प्रयोगशाला प्रमुख डा.नितु अधिकारीले बताइन् 

त्यस्तै मकवानपुरका २ जना र नवलपुरका १ जनामा पनि कोरोना संक्रमण पुष्टि भएको छ। 

उनीहरूको भरतपुर अस्पताल स्वाब संकलन केन्द्र, पुरानो मेडिकल कलेज र राप्ती क्वारेन्टिनबाट स्वाब संकलन गरिएको थियो।शनिबार दिउँसो पनि चितवनका २४ जनामा कोरोना संक्रमण पुष्टि भएको थियो। 

भरतपुर कोभिड प्रयोगशालामा २० जना र चितवन मेडिकल कलेजको प्रयोगशालामा ४ जनामा कोरोना पुष्टि भएको थियो।