(डोटी) डोटीको पूर्वीचौकी गाउँपालिका–६, मेलगैरामा जिप दुर्घटना हुँदा १४ जना घाइते भएका छन् । घाइतेमध्ये २ को अवस्था गम्भीर छ ।

बैतडीबाट बाजुरातर्फ गइरहेको से १ ज १६३ नं को जीप बिहीबार बिहान ३ः३० बजे दुर्घटना भएको हो ।

जिल्ला प्रहरी कार्यालय, डोटीका प्रहरी निरीक्षक लालबहादुर ऐरले दुर्घटनाको पुष्टि गर्दै जिपमा सवार १४ जना नै घाइते भएको जानकारी दिए । ऐरका अनुसार, दुर्घटनाका २ घाइतेको धनगढी र बाँकीको डोटी अस्पतालमा उपचार भइरहेको छ ।

अनियन्त्रित भई दुर्घटनामा परेको जिप सडकबाट करिब २ सय ५० मिटर तल खसेको छ ।