परराष्ट्रमन्त्री शिशिर खनालसँग नेपालका लागि पाकिस्तानका नवनियुक्त राजदूत मोहम्मद आमिर खानले भेटवार्ता गरेका छन् । बिहीबार परराष्ट्र मन्त्रालयमा उनीहरूबिच भेटवार्ता भएको हो ।

भेटवार्तामा परराष्ट्रमन्त्री खनालले राजदूत खानलाई बधाई दिँदै उनको सफल र उपलब्धिमूलक कार्यकालको शुभकामना व्यक्त गरेका छन् । सो अवसरमा दुवै पक्षले नेपाल–पाकिस्तानबिचको मैत्रीपूर्ण सम्बन्धलाई थप सुदृढ बनाउने तथा आपसी सहयोगका क्षेत्रहरू विस्तार गर्ने विषयमा छलफल गरेका छन्।

नेपाल र पाकिस्तानबिच रहिआएको मैत्रीपूर्ण सम्बन्धलाई थप प्रगाढ बनाउँदै पारस्परिक हितका क्षेत्रमा सहकार्य अभिवृद्धि गर्ने विषयमा पनि उनीहरू बिच छलफल भएको थियो ।