लागूऔषध ब्राउनसुगरजस्तो देखिने पदार्थ तथा चिकित्सकको सिफारिसबिना खरिद गर्न नमिल्ने औषधिसहित देशका विभिन्न स्थानबाट १६ जना पक्राउ परेका छन्।

प्रहरीका अनुसार रोल्पा, कैलाली, पाँचथर, कञ्चनपुर र बाँकेबाट ब्राउनसुगरजस्तो देखिने पदार्थसहित ७ जना पक्राउ परेका छन्। उनीहरूको साथबाट ४० मिलिग्रामदेखि ७३० मिलिग्रामसम्मको पदार्थ बरामद गरिएको प्रहरीले जनाएको छ।

त्यस्तै चिकित्सकको सिफारिसमा मात्र खरिद गर्न मिल्ने स्पास्मो, ट्रामाडोल र स्पास्पेनजस्ता औषधिसहित धनगढी, सुर्खेत र मोरङबाट चार जना पक्राउ परेका छन्।

चितवनको रत्ननगरबाट अवैध लागूऔषध गाँजा ५०० ग्राम र नगद एक लाख २९ हजार ५२५ रुपैयाँसहित दीपक महतो र उनका छोरा राहुल महतो पक्राउ परेका छन्।

पक्राउ परेकाहरूका विषयमा आवश्यक अनुसन्धान भइरहेको केन्द्रीय प्रहरी समाचारकक्षले जनाएको छ।