काठमाडौं — विश्वप्रसिद्ध पर्वतारोही निर्मल पुर्जा र उनको टोलीका सदस्यहरूको पाकिस्तानस्थित ब्रोड पिक हिमालमा हिमपहिरोमा परी भएको निधनप्रति नेकपा (एमाले) ले गहिरो दुःख व्यक्त गरेको छ।

एमाले महासचिव शंकर पोखरेलले आइतबार जारी गरेको शोक वक्तव्यमा घटनाले पार्टीलाई स्तब्ध र मर्माहित बनाएको उल्लेख गरेका छन्।

हिमपहिरोमा परी निर्मल पुर्जासहित पुरबहादुर गुरुङ, किली पेम्बा शेर्पा, निमा शेर्पा, नवाङ थिन्दु शेर्पा र ग्याल्जेन शेर्पाको निधन भएको थियो।

एमालेले उनीहरूको निधनले नेपालको पर्वतारोहण क्षेत्र मात्र नभई समग्र राष्ट्रले नै अमूल्य राष्ट्रिय धरोहर र साहसी सन्तति गुमाएको जनाएको छ।

महासचिव पोखरेलले शोकसन्तप्त परिवारजनप्रति समवेदना व्यक्त गर्दै दिवंगत आत्माको चिरशान्तिको कामना गरेका छन्।