काठमाडौं — चर्चित गायक तथा बालकलाकार अशोक दर्जीमाथि सडकमा कुटपिट र दुर्व्यवहार भएको दाबी गरिएको भिडियो सामाजिक सञ्जालमा भाइरल भएको छ।

भिडियोमा केही व्यक्तिले दर्जीलाई घेरेर प्रश्न गरिरहेको र दुर्व्यवहार गरेको देखिन्छ। एक व्यक्तिले ‘अरूको पैसा कहिले तिर्छस्?’ भन्दै प्रश्न गरेको आवाजसमेत सुनिन्छ।

भिडियो सार्वजनिक भएपछि उनका समर्थकहरूले चिन्ता व्यक्त गरेका छन् भने केहीले भिडियोको सत्यतामाथि प्रश्न उठाएका छन्। घटनाको स्थान, समय र वास्तविक कारणबारे भने हालसम्म आधिकारिक पुष्टि भएको छैन।

अशोक दर्जीको परिवार वा सम्बन्धित निकायबाट पनि घटनाबारे कुनै औपचारिक धारणा सार्वजनिक भएको छैन। सामाजिक सञ्जालमा फैलिएका दाबीबारे पुष्टि नभएसम्म निष्कर्षमा नपुग्न आग्रह गरिएको छ।

साङ्गीतिक यात्राबाट चर्चामा आएका दर्जी पछिल्लो समय अध्ययनसँगै संगीत र अभिनय क्षेत्रमा सक्रिय छन्।