देशमा निराशा बढेको छ, राष्ट्रिय मुद्दामा एकजुट हुनुपर्छ : सांसद डा. अमरेशकुमार सिंह
काठमाडौं — राष्ट्रिय स्वतन्त्र पार्टी (रास्वपा) का सांसद डा. अमरेशकुमार सिंहले जनतामा बढ्दो निराशाका कारण देश सङ्कटतर्फ गएको बताएका छन्।
मंगलबार बसेको प्रतिनिधि सभा बैठकको आकस्मिक समयमा बोल्दै सांसद सिंहले संसद्मा सत्तापक्ष र प्रतिपक्षबीच आरोप–प्रत्यारोप र घोचपेचभन्दा पनि राष्ट्रिय मुद्दामा केन्द्रित हुनुपर्ने धारणा राखे।
उनले जनता र लोकतन्त्र नै कमजोर भएमा राजनीतिक दल र नेताहरूको अस्तित्वसमेत नरहने उल्लेख गरे। “आज देशमा निराशा छ, देश सङ्कटमा छ। बरु राष्ट्रिय मुद्दा तयार गरौँ र एकजुट हौँ,” सिंहले भने।
सिंहले मुलुकका चुनौती समाधान गर्न सबै पक्ष मिलेर अघि बढ्नुपर्ने आवश्यकता औँल्याएका छन्।
