काठमाडौं, ६ साउन — नेपाल प्रहरीले लागूऔषधसहित देशका विभिन्न जिल्लाबाट १७ जनालाई पक्राउ गरेको छ।

प्रहरीका अनुसार काठमाडौं, मकवानपुर, बारा, धनकुटा, कैलाली र रूपन्देहीमा गरिएको छुट्टाछुट्टै कारबाहीका क्रममा खैरो हेरोइन, ब्राउन सुगर, गाँजा, नाइट्राजेपाम र ट्रामाडोलसहित उनीहरू पक्राउ परेका हुन्।

काठमाडौं महानगरपालिका क्षेत्रबाट खैरो हेरोइनसहित पाँच जना, चन्द्रागिरि–२ नागढुङ्गाबाट नाइट्राजेपामसहित दुई जना, बाराबाट गाँजासहित एक जना, मकवानपुरबाट ब्राउन सुगरसहित पाँच जना, धनकुटाबाट ट्रामाडोलसहित एक जना, कैलालीबाट खैरो हेरोइनसहित चार जना तथा रूपन्देहीबाट खैरो हेरोइनसहित एक जना पक्राउ परेको प्रहरीले जनाएको छ।

पक्राउ परेका सबैमाथि आवश्यक अनुसन्धान भइरहेको नेपाल प्रहरीले जनाएको छ।