मनीला, २२ असार — फिलिपिन्समा भ्रष्टाचारविरुद्धको कारबाही तीव्र भइरहेका बेला सिनेटर रोडान्टे मार्कोलेटालाई लुटपाटसम्बन्धी गैर–जमानती आरोपमा पक्राउ गरिएको छ।

७१ वर्षीय मार्कोलेटालाई उपनगरीय क्विजोन सिटीस्थित विशेष भ्रष्टाचारविरोधी अदालत स्यान्डिगनबायनमा उपस्थित गराएपछि प्रहरी हिरासतमा लिइएको हो। अदालतले प्रारम्भिक प्रमाण पर्याप्त रहेको ठहर गर्दै पक्राउ आदेश जारी गरेको हो।

लोकपाल कार्यालयका अनुसार उनले चुनावी अभियानका लागि प्राप्त करिब ७५ करोड पेसो बराबरको रकम सम्पत्ति विवरणमा उल्लेख नगरेको आरोप छ। मार्कोलेटाले भने आरोप अस्वीकार गर्दै कुनै गैरकानुनी काम नगरेको दाबी गरेका छन्।

उनको पक्राउसँगै फिलिपिन्समा राजनीतिक तनाव बढेको छ। यसअघि पनि अर्का सिनेटर जिङ्गगोय एस्ट्राडा यस्तै आरोपमा पक्राउ परिसकेका थिए।

यसैबीच, उपराष्ट्रपति सारा डुटेर्टेविरुद्ध महाभियोग सुनुवाइ सुरु भएको छ भने पूर्वराष्ट्रपति रोड्रिगो डुटेर्टेका निकट सहयोगीमाथि पनि कानुनी प्रक्रिया अघि बढिरहेको छ।