सूचना तथा सञ्चार मन्त्रालयले बुधबार सूचना जारी गर्दै रिक्त रहेको विज्ञापन बोर्डको अध्यक्ष पद पूर्तिका लागि योग्य व्यक्तिहरूबाट आवेदन मागेको हो।

मन्त्रालयका अनुसार इच्छुक तथा योग्यता पुगेका उम्मेदवारले आगामी २०८३ साल साउन ८ गते कार्यालय समयभित्र आफ्नो दरखास्त पेस गर्नुपर्नेछ। प्राप्त आवेदनमध्येबाट एक जना योग्य उम्मेदवार छनोट गरी अध्यक्ष पदमा नियुक्त गरिने मन्त्रालयले जनाएको छ।

अध्यक्ष पदका लागि आवश्यक न्यूनतम योग्यता, आवेदन फारामको ढाँचा तथा संलग्न गर्नुपर्ने कागजातको विस्तृत विवरण सूचना तथा सञ्चार मन्त्रालयको आधिकारिक वेबसाइटमा उपलब्ध रहेको मन्त्रालयले जनाएको छ। योग्य आवेदकहरूले आवश्यक कागजातसहित तोकिएको समयभित्र आवेदन दिन मन्त्रालयले आग्रह गरेको छ।