काठमाडौं, १३ जेठ — नेपालमा डिजिटल भुक्तानीको प्रयोग उल्लेख्य रूपमा बढ्दै गएको छ। सरकारले सार्वजनिक गरेको आर्थिक वर्ष २०८२/८३ को आर्थिक सर्वेक्षणअनुसार क्यूआर कोडमार्फत मात्र १ खर्ब २५ अर्ब रुपैयाँभन्दा बढीको कारोबार भएको छ।

सर्वेक्षणमा २०८२ फागुनसम्मको तथ्यांक समावेश गरिएको छ।

प्रतिवेदनअनुसार नागरिकहरू डिजिटल भुक्तानीतर्फ आकर्षित हुँदै गएसँगै क्यूआरमार्फत हुने कारोबार निरन्तर विस्तार भइरहेको छ। दैनिक कारोबारमा नगदरहित प्रणालीको प्रयोग बढ्नुले डिजिटल अर्थतन्त्रतर्फको संक्रमण तीव्र भएको संकेत गरेको छ।

सरकारले डिजिटल भुक्तानी पूर्वाधार विस्तारसँगै वित्तीय पहुँच र कारोबारको पारदर्शिता बढ्दै गएको उल्लेख गरेको छ।