किभ — युक्रेनले सन् २०२६ को पहिलो ६ महिनामा २५ हजार मानवरहित स्थलगत सवारी साधन (यूजीभी) खरिद गर्ने सम्झौता गर्ने भएको छ। यो संख्या सन् २०२५ को कुल खरिदभन्दा दोब्बर बढी हो।

युक्रेन रक्षा मन्त्रालय का अनुसार फ्रन्टलाइनमा हुने बन्दोबस्तीको ठूलो हिस्सा सैनिकबाट हटाएर रोबोटिक प्रणालीमा स्थानान्तरण गर्ने रणनीति अन्तर्गत यो योजना अघि सारिएको हो।

रक्षा मन्त्री मिखाइलो फेडोरोभ ले हालै आन्तरिक युजीभी निर्माताहरूसँगको भेटपछि दीर्घकालीन उत्पादन सुनिश्चित गर्न सन् २०२७ का लागि समेत सम्झौता प्रक्रिया सुरु गरिएको जानकारी दिएका छन्।

उनका अनुसार युक्रेनको लक्ष्य फ्रन्टलाइनमा हुने १०० प्रतिशत बन्दोबस्ती कार्य रोबोटिक प्रणालीमार्फत सञ्चालन गर्नु हो। यसले सैनिकको जोखिम घटाउने अपेक्षा गरिएको छ।

यसअघि राष्ट्रपति भोलोदिमिर जेलेन्स्की ले पछिल्ला महिनामा हजारौँ मानवरहित मिसन सञ्चालन गरिएको उल्लेख गर्दै यसले सैनिकलाई खतरनाक जिम्मेवारीबाट जोगाउन सहयोग गरेको बताएका थिए।

रुससँग जारी युद्धमा जनशक्ति अभाव झेलिरहेको युक्रेनले पछिल्लो समय मानवरहित प्रविधि र स्वचालित प्रणालीमा निर्भरता तीव्र रूपमा बढाइरहेको छ।