ललितपुर–३ की उम्मेदवार तोसिमा कार्कीले गरिन् मतदान, मतदातालाई पनि सहभागिताको आह्वान
ललितपुर — तोसिमा कार्कीले आज मतदान गरेकी छन्।
ललितपुर क्षेत्र नं. ३ की उम्मेदवार कार्कीले ललितपुर महानगरपालिका वडा नं. १८स्थित मतदान केन्द्रमा पुगेर आफ्नो मताधिकार प्रयोग गरेकी हुन्।
मतदानपछि सामाजिक सञ्जालमार्फत उनले परिवर्तनका लागि आफूले मतदान गरेको उल्लेख गरेकी छन्। साथै उनले सबै मतदातालाई उत्साहपूर्वक मतदानमा सहभागी हुन आग्रह पनि गरेकी छन्।
कार्कीले लोकतान्त्रिक प्रक्रियामा नागरिकको सक्रिय सहभागिता आवश्यक रहेको भन्दै मतदानमा भाग लिन मतदातालाई अपिल गरेकी छन्।
