देशका विभिन्न भागमा नियमित गस्तीमा रहेको प्रहरी टोलीले लागुऔषधसहित सात जनालाई पक्राउ गरेको छ।

केन्द्रीय प्रहरी कार्यालयका अनुसार, काठमाडौँको बूढानीलकण्ठ नगरपालिका–१० बाट एक जना, सुनसरीको इनरुवा नगरपालिका–४ बसचोक बाट दुई जना, धरान उपमहानगरपालिका–१५ बाट एक जनालाई खैरो हेरोइन र गाँजासहित पक्राउ गरिएको हो।

त्यसैगरी, झापाको विर्तामोड नगरपालिका–३, कञ्चनपुरको बेलौरी नगरपालिका–१० पन्तचोक, र कैलालीको धनगढी उपमहानगरपालिका–१० घुइया बाट पनि एक–एक जनालाई खैरो हेरोइनसहित पक्राउ गरिएको जानकारी दिइएको छ।

प्रहरीले घटनाबारे थप अनुसन्धान जारी राखेको छ।