काठमाडौं — इजरायली कब्जा बल (आईओएफ) ले सोमबार वेस्ट ब्यांकका विभिन्न क्षेत्रबाट दुई महिलासहित २० जना प्यालेस्टिनी नागरिकलाई पक्राउ गरेको छ।

वफा समाचार एजेन्सीका अनुसार तुलकार्म गभर्नरेटबाट आठ जना र अल–खलिल गभर्नरेटबाट सात जना पक्राउ परेका छन्। यसैगरी, जेरुसेलमको उत्तर क्षेत्रमा एक जना युवक, कल्किल्या सहरबाट एक जना र अल–अघवार अल–शामालिया क्षेत्रमा एक जना प्यालेस्टिनी नागरिकलाई आईओएफले नियन्त्रणमा लिएको जनाइएको छ।

रिपोर्टअनुसार वेस्ट ब्यांक र अल–कुद्सका विभिन्न सहर तथा शरणार्थी शिविरहरूमा आईओएफले दैनिक रूपमा छापा, आक्रमण, द्वन्द्व तथा धरपकडजस्ता मानवअधिकारविरोधी गतिविधि जारी राखेको छ।

स्थानीय स्रोतहरूले निरन्तरको सैन्य कारबाहीले सर्वसाधारण नागरिकमा त्रास बढ्दै गएको र जनजीवन प्रभावित भइरहेको बताएका छन्।