काठमाडौं – राष्ट्रपति रामचन्द्र पौडेल तथा प्रथम महिला सविता पौडेल राष्ट्रिय प्रजातन्त्र दिवस–२०८२ को अवसरमा आज सैनिक मञ्च टुँडिखेल मा आयोजित विशेष समारोहमा सहभागी भएका छन्।

राष्ट्रिय प्रजातन्त्र दिवस मूल समारोह समितिद्वारा आयोजना गरिएको उक्त कार्यक्रमको अवसरमा नेपाली सेनाले राष्ट्रपतिको सम्मानमा सलामी अर्पण गरेको थियो। समारोहमा नेपालको कला तथा सांस्कृतिक विविधता झल्काउने विभिन्न झाँकी, मार्च पास, नृत्य र साङ्गीतिक प्रस्तुति समावेश गरिएको थियो।

समारोहमा उपराष्ट्रपति रामसहायप्रसाद यादव, प्रधानमन्त्री सुशीला कार्की, राष्ट्रियसभा अध्यक्ष नारायणप्रसाद दाहाल, मन्त्रीगण, नेपालस्थित विदेशी कूटनीतिक नियोगका प्रमुख तथा प्रतिनिधि, उच्चपदस्थ सरकारी कर्मचारी र समाजका विभिन्न क्षेत्रमा लब्धप्रतिष्ठित व्यक्तिहरूको सहभागिता रहेको थियो।

समारोहले राष्ट्रिय एकता, लोकतन्त्र र सांस्कृतिक पहिचानको महत्वलाई विशेष रूपमा प्रस्तुत गरेको छ।