भोजपुरमा फागुन २१ गते हुन लागेको प्रतिनिधि सभा निर्वाचनको सुरक्षा गस्तीका लागि हिँडेको नेपाली सेना सवार बस दुर्घटनामा परेको छ ।

सदरमुकामस्थित नयाँ श्रीनाथ गणबाट गस्तीका लागि हिँडेको २४ जना सेना सवार बस भोजपुर नगरपालिका-३ को सेती बगरनजिक सडकबाट खसेको हो ।

ना ४ ख ७३१७ नम्बरको उक्त यात्रु बस सेतीबगरनजिक मोडबाट तल खस्दा घाइते भएका ११ जना सैनिकको उद्धार गरिएको स्थानीय प्रत्यक्षदर्शी प्रकाश दाहालले बताएका छन् ।

दुर्घटनापछि अहिले त्यहाँ सेनाको अर्को टोली, प्रहरी र स्थानीयबासीसहितले घाइतेहरूको उद्धार गरेका छन्।