यही फागुन २१ गते हुने प्रतिनिधिसभा सदस्य निर्वाचनका लागि मकवानपुर निर्वाचन क्षेत्र नं १ र २ का मतदान केन्द्रमा खटिने कर्मचारीलाई तालिम दिन सुरु गरिएको छ।

जिल्लाका ३७४ मतदान केन्द्र का मतदान अधिकृत र सहायक मतदान अधिकृतलाई निर्वाचन प्रक्रिया सञ्चालन, मतपेटी व्यवस्थापन र सुरक्षा व्यवस्था सम्बन्धी तालिम दिइएको छ। प्रमुख निर्वाचन अधिकृत गीता श्रेष्ठ का अनुसार, नियुक्ति पत्र आजै हस्तान्तरण गरिनेछ।

अति दुर्गम भेगका मतदान केन्द्रमा भने फागुन १७ गते नै मतदान अधिकृत, सहायक मतदान अधिकृत र सहायक कर्मचारीलाई निर्वाचन सामग्री, मतपत्र, मतपेटी तथा सुरक्षा टोलीसहित पठाइने जानकारी दिइएको छ।

जिल्लाभर ३७४ मतदान केन्द्रमा २,२४४ कर्मचारी खटाइएका छन्। दुवै निर्वाचन क्षेत्रमा ४४ उम्मेदवार प्रतिस्पर्धामा छन् भने मतदाता संख्या ३,१५,३३५ रहेको बागमती प्रदेश निर्वाचन कार्यालयका प्रमुख हरिप्रसाद ढकाल ले जानकारी दिएका छन्।