नेपाली कांग्रेसका सभापति गगन थापा पार्टीको मधेस प्रदेश समिति बैठकमा सहभागी भएका छन् । जनकपुरमा बसिरहेको बैठकमा मधेस प्रदेश कार्यसमितिको पदाधिकारी तथा सदस्यहरू, प्रदेशका ३२ वटै निर्वाचन क्षेत्रका प्रतिनिधिसभा सदस्य उम्मेदवारहरू र आठ जिल्लाका सभापतिहरू पनि सहभागी रहेका कांग्रेस मधेस प्रदेशका प्रचार विभाग प्रमुख नितिशकुमार गुप्ताले जानकारी दिए । 

जनकपुरधामस्थित पार्टी कार्यालय थापा चोकमा जारी बैठकमा आगामी राजनीतिक रणनीति, सङ्गठन सुदृढीकरण, निर्वाचन तयारी तथा पार्टी गतिविधिलाई अझ प्रभावकारी बनाउने विषयमा छलफल भइरहेको छ । 

सभापति थापाले मधेस प्रदेशमा पार्टीलाई थप एकताबद्ध गर्दै जनतामाझ कांग्रेसको नीति, विचार र एजेन्डा प्रभावकारी रूपमा पुर्‍याउन सबै नेता तथा कार्यकर्तालाई सक्रिय र जिम्मेवार भूमिका निर्वाह गर्न निर्देशन दिएका प्रचार विभाग प्रमुख गुप्ताले जानकारी दिए ।