मधेश प्रदेशको सभाभुख पदमा रामअशिष यादव निर्वाचित भएका छन् । आइतबार मधेश प्रदेशसभामा भएको मत विभाजनका क्रममा सातदलीय गठबन्धनका तर्फबाट उम्मेदवार जसपा नेपालका नेता यादव सभामुख पदमा निर्वाचित भएका हुन् । यादवको पक्षमा ७२ मत परेको थियो भने उनको विपक्षमा २४ मत परेको थियो ।

पहिलो प्रस्तावमाथि मत विभाजन भएर यादव निर्वाचित भएपछि उपसभामुख बबिता राउत इशरले एमालेका उम्मेदवार त्रिलोकी प्रसाद यादवको प्रस्ताव सभामा प्रस्तुत गर्नु नपर्ने जानकारी गराएकी थिइन् । 

यसअघि एमालेबाट सभामुख बनेका रामचन्द्र मण्डल पद अनुकूल आचरण नगरेको भन्दै गत मंसिर ३ गते दुई तिहाइ बहुमतबाट पदमुक्त भएपछि नयाँ सभामुख चयन गरिएको हो ।