काठमाडौँ – प्रधानमन्त्री सुशीला कार्की र लोकतान्त्रिक समाजवादी पार्टी नेपालका अध्यक्ष महन्थ ठाकुरबीच आज सिंहदरबारमा भेटवार्ता भएको छ।

भेटमा प्रधानमन्त्री कार्कीले आगामी फागुन २१ गते हुने प्रतिनिधिसभा निर्वाचनका लागि सकारात्मक वातावरण निर्माणमा अध्यक्ष ठाकुरको सहयोग मागेकी छन्। ठाकुरले भने पार्टी निर्वाचन तयारीमा रहेको र सम्भावित गठबन्धनबारे छलफल भइरहेको जानकारी दिएका थिए।

ठाकुरले चुनावमा सहभागिता सुनिश्चित गर्दै तराई–मधेसको विकासका लागि महत्वपूर्ण परियोजनाहरूलाई गति दिन सरकारसँग आग्रह गरेका छन्। उनले भने, “हामी स्पष्ट छौँ। चुनावमा भाग लिनुपर्छ, लिन्छौँ नै। चुनाव नै अबको एक मात्र निकास हो।”