१० मंसिर, काठमाडौं — नेकपा एमालेका पोलिट्ब्युरो सदस्य महेश बस्नेतविरुद्ध जेनजी युवाहरूले बुधबार धनगढीमा प्रदर्शन गरेका छन्। बिहानै धनगढी बजार क्षेत्रमा युवाहरूले प्लाकार्डसहित बस्नेतको गतिविधि र अभिव्यक्तिप्रति असन्तुष्टि जनाउँदै सडकमा उत्रिएका हुन्।

२३ र २४ मंसिरको जेनजी आन्दोलनपछि एमाले नेतृत्वको सरकार विस्थापित भएपछि बस्नेतले जेनजी आन्दोलन र त्यसमा संलग्न युवाप्रति लगातार आक्रमक टिप्पणी गर्दै आएका छन्। उनीका ती अभिव्यक्तिप्रति जेनजी युवाहरूले विभिन्न ठाउँमा प्रतिरोध जारी राख्दै आएका छन्।

यसअघि ४ मंसिरमा बस्नेत बाराको परवानीपुर जाने जानकारी पाएपछि जेनजी युवाहरूले विरोध प्रकट गरेका थिए। त्यसपछि दुई दिनसम्म बाराको सिमरा क्षेत्रमा तनावपूर्ण अवस्था सिर्जना भएको थियो।

७ मंसिरमा इटहरीतर्फ जाँदै गरेका बस्नेत सवार गाडीमा दुई युवाले रातो रङ भरिएको बेलुन प्रहार गरेका थिए। मंगलबार सुर्खेतमा पनि बस्नेत सहभागी कार्यक्रम लक्षित गर्दै युवाहरूले विरोध प्रदर्शन गरेका थिए।

लगातार भइरहेका यी प्रदर्शनहरूले बस्नेत र जेनजी आन्दोलनबीचको राजनीतिक तथा सामाजिक तनाव थप चर्किएको देखिन्छ।