मेडिकल व्यवसायी दुर्गा प्रसाईंले नयाँ राजनीतिक दल खोल्ने घोषणा गरेका छन् । दुई साताअघि डिल्लीबजार कारागारबाट छुटेका प्रसाईंले सोमबार पत्रकार सम्मेलन गर्दै राजनीतिक दल खोल्ने घोषणा गरेका हुन् ।

आफूहरूले अभियान चलाउँदा कोठामा ताला लगाउने जस्ता अवरोधहरू भोग्नु परेको भन्दै उनले संविधान अनुसार राजनीतिक दल खोलेर अघि बढ्ने बताए ।

प्रसाईंले केही समयमै आफ्नो दलको नाम सार्वजनिक गर्ने बताए । उनले आफ्नो लडाइँ राजनीतिक भन्दा आर्थिक मुद्दा हुने बताए ।