दक्षिण कोरियाको बुसान सहरमा निर्माणाधीन एउटा रिसोर्टमा आगलागी हुँदा मृत्यु हुनेको सङ्ख्या ६ जना पुगेको छ । बुसान अग्नि नियन्त्रक निकायका अनुसार बिहान करिब १०ः२० बजे आगलागी भएको खबर आएको थियो ।

दर्जनौं दमकलकर्मीहरू आगो निभाउने प्रयास गरेका थिए । आगलागीपछि करिब १०० जना कामदारहरू घटनास्थलबाट बाहिर निस्कन सफल भएको बताइएको छ । 

जमिन माथि १२ तला र मुनि ३ तला रहेको तीन वटा भवनमा सो घटना भएको हो । घटनामा २५ जनालाई सामान्य चोटपटक लागेको बताइएको छ । इन्डोर स्वीमिङ पुल नजिक रहेको इन्सुलेशन मटेरियल लोड भइरहेको ठाउँमा आगोलागी भएको भनिएको छ । 

घटनास्थलबाट १४ जनालाई हेलिकप्टरबाट उद्धार गरिएको थियो । घटनापछि, दक्षिण कोरियाका कार्यवाहक राष्ट्रपति चोई साङ–मोकले अधिकारीहरूलाई आगो निभाउन उपलब्ध सबै कर्मचारी र उपकरणहरू प्रयोग गर्न आदेश दिएका थिए । 

कति जना भित्र फसेका छन् भन्ने अझै स्पष्ट भइनसकेको बताइएको छ ।  छ जनालाई अस्पताल लगिएको थियो, अस्पतालमै उनीहरूलाई मृत घोषित गरिएको अधिकारीहरूले बताएका छन् ।