काठमाडौं । दाङमा सोमबार साँझ  चट्यांग लागेर एक जना बालकको मृत्यु भएको छ ।

तुलसीपुर उपमहानगरपालिका-४ खाद्रे निवासी १० वर्षीय सुवास बिकको  चट्यांग लागेर मृत्यु भएको हो । सोमबार साँझ ६ बजेतिर घरको आँगनमा बसेर मोबाइल चलाइरहेको समयमा उनलाई  चट्यांग लागेको प्रहरीले बताएको छ ।

चट्यांग लागेर घाइते भएका बिकलाई उपचारका लागि तुलसीपुरस्थित राप्ती प्रादेशिक अस्पताल तुलसीपुर लगिएको थियो । अस्पताल पुर्‍याउनासाथ चिकित्सकले बिकलाई मृत घोषणा गरेको जिल्ला प्रहरी कार्यालय दाङले जनाएको छ ।