मुख्यमन्त्री शंकर पोखरेलले राजीनामा दिएपछि लुम्बिनी प्रदेशमा विपक्षी गठबन्धनले मुख्यमन्त्रीमा उम्मेदवारी दिने गृहकार्य सुरु गरेको छ । तर, एमालेले भने आजै संसदीय दलको बैठक राखेर शंकर पोखरेललाई नै बहुमतको मुख्यमन्त्री चुन्ने हतार–हतार निर्णय गरेको छ ।

नेपाली काँग्रेस, माओवादी, जनता समाजवादी पार्टी (जसपा) र राष्ट्रिय जनमोर्चा सम्मिलित गठबन्धनले मुख्यमन्त्रीको प्रतिस्पर्धी खडा गर्ने भएका छन् ।

आइतबार बिहान लुम्बिनी प्रदेशका मुख्यमन्त्री पोखरेलले संविधानको धारा १६८ (१) अन्तर्गत नयाँ सरकार बनाउन मार्गप्रशस्त गरेको भन्दै राजीनामा दिएपछि सत्ताको नयाँ खेल सुरु भएको हो ।

तर, पोखरेल आफैं मुख्यमन्त्रीका लागि फेरि चुनावी मैदानमा ओर्लिएका छन् ।