सोमबार थप २ हजार ९३३ जनामा कोरोना भाइरसको संक्रमण पुष्टि भएको छ। स्वास्थ्य मन्त्रालयले दिएको जानकारी अनुसार पछिल्लो २४ घण्टामा थप २ हजार ९३३  जनामा संक्रमण भएको हो। 

योसँगै अहिलेसम्म नेपालमा संक्रमण हुनेको संख्या १ लाख ७६ हजार ५ सय पुगेको छ। 

त्यस्तै, पछिल्लो २४ घण्टामा ३ हजार १ सय ५० जना निको भइ घर फर्केका छन्। निको हुनेको संख्या एक लाख ३७ हजार ९ सय ९२ पुगेको मन्त्रालयले जनाएको छ।  

कोरोना संक्रमणबाट सोमबार २४ जनाले ज्यान गुमाएका छन्। योसहित मृत्यु हुनेको संख्या ९८४ पुगेको छ।