(चितवन) त्रिशुली नदिमा आज बिहान एउटा भ्यान खसेको छ । ईच्छाकामना गाउँपालिका वडा नम्बर ४ स्थित पृथ्वी नाग्दी खोला भन्ने स्थानबाट पिकअप भ्यान आज बिहान करिव ५स्३० बजे त्रिशुली नदिमा खसेको हो । भ्यान संगै भ्यानमा सवार तिनजना बेपत्ता भएका छन्।

प्युठानबाट बिरामी लिएर काठमाण्डौ तर्फ गईरहेको लु १ च ९७३१ नम्बरको पिकअप भ्यान सडकबाट अन्दाजी ५० मिटर तल त्रिशुली नदीमा खसेको हो ।

भ्यानमा सवार चार जना मध्ये एकजना पौडी खेलेर निस्किएका छन् । प्युठान जिल्ला निवासी बर्ष ३८ को मुकुन्द बहादुर रोक्का नदीबाट पौडी खेली बाहिर निस्किएको प्रहरीले जनाएको छ । उनीसंगै भ्यानमा सवार उनको श्रीमति , छोरी र भ्यानको चालक बेपत्ता भएका छन् ।

प्युठान जिल्ला झिम्रुक गाउँपालिका १ बस्ने भ्यान चालक बर्ष २३ को सुर्य के।सी, सोही स्थान निवासी बर्ष ३३ की जमुना रोक्का र बर्ष १५ की जिनिसा रोक्का बेपत्ता भएको जिल्ला ट्राफिक प्रहरी कार्यालय चितवनका प्रमुख दयाकृष्ण भट्टले जानकारी दिए । बेपत्ताहरुको खोजी कार्य तिब्र पारिएको प्रहरीले जनाएको छ ।