बैतडीः बैतडीकाे एक गाउँपालिकामा विद्युत लाइन विस्तार को काम भद्रगोल अवस्थामा देखिएको छ।जिल्लाकाे सिगास गाउँपालीमा लाइन विस्तार का लागि गाडिएका पोलहरु टुट्न थालेपछी भद्रगाेल अबस्थामा परेकाे छ । लाइन विस्तार सुरु भएको ३ वर्ष भएको बताएकाे छ । लाईन विस्तार कार्यमा हालसम्म डेढ करोड बढी खर्च भईसकेको छ। तर विस्तारको काम भने तिन बर्ष बितिसकदा समेत अझै पुरा हुन सकेको छैन।

जिल्लाकाे पाटन नगरपालिका र  नवदुर्गा गाउँपालिका(डडेलधुरा )को सीमाना ठाँटा दुलैनासम्म पुगेको राष्ट्रिय प्रसारण लाइन सिगासको गाउँपालिका केन्द्र गर्जेसम्म आर्थिक वर्ष ०७४÷०७५ देखि बिस्तार को कामसुरु भएको थियोे। हालसम्म पनि उक्त गाउँपालिकाकाे वडा न ३ (चमडे खर्क , हल्का सैनी )सम्म मात्रै लाइन विस्तार भएको छ।लाइन विस्तारका लागि पोलहरु गुणस्तरहीन खरिद गरी पोलका खाडल समेत राम्रो किसिमले नखनिएका कारण ढल्ने र टुट्ने गरेको स्थानीयले गुनासाे गरेका छन ।

उपभोक्ता समितिलेनै कमजोर पोल ल्याएर कमसल काम गरेको र उपभोक्ता समिति को लापरबाही चरम देखिएको वडा नं ३ का अध्यक्ष शेर सिंह साउदले बताए। उनका अनुसार विद्युत लाइन विस्तारका लागि गाउँपालिकाले आर्थिक वर्ष ०७४/०७५ मा २० लाख, ०७५/०७६ मा ५८ लाख, गत आर्थिक वर्ष ०७६/०७७ मा ८० लाख खर्च भईसकेको छ। चालु आर्थिक वर्षमा पनि ३० लाख वजेट छुट्याएको छ। तर हालसम्म १० किलोमिटर मात्रै लाइन विस्तार भएको छ। स्थानीयका अनुसार लाइन विस्तारको काम इष्टमेट अनुसार हुन सकेको छैन।

यता उपभोक्ता समितिका अध्यक्ष राजेन्द्र धामीले भने विद्युत लाइन विस्तारको इष्टमेट नै गलत र गाउँपालीका मा प्राविधिक र ईलाेकट्राेनिक नभएका कारण समस्या ढिलाई भएको दाबि गरेका छन । उनले इष्टमेटमा खुलाए अनुसारकै फाइबरका पोल खरिद भएको  समेत बताए छन  । 

गाउँपालिकाकाबाट कुनै पनि  योजनाको अनुगमननै नगरी भुक्तानी दिने  अनि सम्बधित याेजनाकाे काम अगाढी नबढ्ने गरेको समेत स्थानीयको आरोप छ।