मध्यपाहाडी राजमार्ग अन्र्तगत गोरखास्थित निवेल ठाँटीपोखरीसम्मको सडक कालोपत्रेका लागि ठेक्का सम्झौता भएको छ । २ वटा प्याकेजमा विभाजन गरेर सडक कालोपात्रेको ठेक्का भएको आयोजनको पालुङटारस्थित कार्यलयका प्रमुख रमेशकुमार डिष्टीले बताउनु भयो ।

निवेलदेखी मसानेठाँटीसम्मको करिव १२ किमि सडक कालोपात्रेको जिम्मा आशिष÷डिएस जेभीले पाएको छ । यस्तै मसानेठाँटीदेखी ठाँटीपोखरीसम्मको सडक कालोपत्रेको ठेक्का हिमडुङ प्यासिफिक जेभीले पाएको उहाँले जानकारी दिनुभयो । दुबै सडक २ बर्षभित्र पूरा भैइसक्नु पर्ने ठेक्का सम्भौतामा उल्लेख छ ।

यसअघी ११ किमि छेवेटार भालुस्वाँरा वारपाक सडक योजना अन्तर्गत उक्त सडकखण्ड गत आर्थिक वर्ष मध्यपाहाडीलाई हस्तान्तरण भएको थियो । आफू अन्र्तगत भएलगत्तै पुष्पलाल मध्यपाहाडी राजमार्गको पालुङटारस्थित योजना कार्यलयले सर्भेको काम गरेको थियो ।

सर्भे पूरा भए लगत्तै काठमाडौँ स्थित आयोजना निर्देशनालयले राष्ट्रिय दैनिकमा आह्वान गरेको हो । निवेलबाट पुरानो ट्रयाकलाई नै विस्तार गरिने योजनाको पालुङटार कार्यलयका प्रमुख रमेशकुमार डिष्टीले बताउनु भयो ।

सडक ११ देखी १२ मिटरसम्म फराकिलो हुनेछ भने  ७ मिटर कालोपात्रे हुनेछ । बाँकी भाग टेवा पर्खाल नाली लगाएतका संरचना बनाइने छ । मोडहरुका भने आवश्यकता अनुसार सडक अझै फराकिलो बनाउने गरि सर्भे गरीएको योजना कार्यलयका प्रमुख डिष्टीको भनाई छ ।