लमजुङमा कार्यरत सेनासहित गण्डकी प्रदेशका ३ जिल्लामा २३ जनामा कोरोना संक्रमण थपिए
(पोखरा) लमजुङमा कार्यरत सेनासहित गण्डकीका ३ जिल्लामा थपिए २३ जना कोरोना संक्रमित थपिएका छन् । लमजुङका २० जना, कास्कीका दुईजना र नवलपरासी पूर्वका एकजनामा कारोना पुष्टि भएको गण्डकी प्रदेशको सामाजिक विकास मन्त्रालयअन्तर्गतको स्वास्थ्य निर्देशनालयले जनाएको छ ।
क्षयरोग उपचार केन्द्र पोखरामा गरिएको परीक्षणमा लमजुङमा कार्यरत १७ जना नेपाली सेनामा संक्रमण पुष्टि भएको छ । त्यस्तै, बेशीसहर(७ का ५१ वर्षीय पुरुषमा पनि संक्रमण देखिएको छ भने बेशीसहर(८ का २५ र ३२ वर्षीय दुईजना पुरुषमा संक्रमण पुष्टि भएको हो । उनीहरु कन्ट्याक्ट ट्रेसिङबाट पहिचान भएका हुन् ।
कास्कीको पोखरा महानगरपालिका-११ का ४६ वर्षीय पुरुषमा पनि संक्रमण देखिएको छ । उनी साई अर्चना अस्पतालमा कार्यरत व्यक्ति भएको बताइएको छ । यस्तै मादी गाउँपालिका(७ का ३९ वर्षीय पुरुषमा पनि संक्रमण पुष्टि भएको छ ।
नवलपरासी पूर्वको गैंडाकोट-१ की ४० वर्षीया महिलामा पनि कोरोना पोजेटिभ देखिएको छ ।
यो सँगै गण्डकी प्रदेशमा संक्रमितको संख्या १९३६ पुगेको छ ।
