दाङमा चट्याङ लागेर तीनजनाको मृत्यु
(दाङ) दाङमा चट्याङ लागेर तीनजनाको मृत्यु भएको छ ।
तुलसीपुर उपमहानगरपालिका–७, नवलपुर निवासी गीता चौधरीको घरमा चट्याङ पर्दा उनकी ७ वर्षीया छोरी सृष्टि चौधरी र स्थानीय ५४ वर्षीया लक्ष्मी आचार्यको मृत्यु भएको प्रहरीले जनाएको छ ।
चट्याङ लागेर घाइते भएका दुवैजनाको उपचारका क्रममा राप्ती लाइफकेयर हस्पिटल तुलसीपुरमा मृत्यु भएको हो । चट्याङले घरमा पनि क्षति पुर्याएको जिल्ला प्रहरीले जानकारी दिएको छ ।
यसैगरी, घोराही उपमहानगरपालिका–११, हापुरका सूर्यबहादुर पुरीका ८ वर्षीय छोरा ताराबहादुर पुरीको चट्याङ लागेर मृत्यु भएको छ ।
घरको आँगनमा खेलिरहेको अवस्थामा चट्याङ लागेका उनको अस्पताल लैजाने क्रममा मृत्यु भएको प्रहरीले जनाएको छ ।
