(काठमाडौं) अख्तियार दुरुपयोग अनुसन्धान आयोगले काठमाडौंको साँखुबाट घुस लिने र दिने दुबै जनालाई पक्राउ गरेको छ ।

घुस लिएको आरोपमा शंखरापुर नगरपालिकाको वडा नं. ७ साँखु स्थित नापी कार्यालय साँखुमा कार्यरत अमिन सुशिल बुढाथोकी र घुस दिएको आरोपमा सेवाग्राही ज्ञान बहादुर कार्कीलाई अख्तियारले नियन्त्रणमा लिएको हो ।

सेवाग्राही कार्कीले जग्गाको ट्रेस नक्सा बनाई दिए वापत अमिन बुढाथोकीलाई ४ हजार रुपैयाँ घुस दिँदै गरेको अवस्थामा अख्तियार दुरुपयोग अनुसन्धान आयोग टंगालबाट खटिइएको टोलीले दुबै जनालाई आइतबार कार्यालय अगाडि रहेको गल्लीबाट नियन्त्रणमा लिई अनुसन्धान अघि बढाएको आयोगका प्रवक्ता प्रदीपकुमार कोइरालाले बताए ।