बझाङ, १७ भदौ  । लगातारको वर्षाका कारण अवरुद्ध बनेको केहि दिन पछि  बझाङको जयपृथ्वी राजमार्ग सन्चालनमा आएको छ । शनिबार बेलुकादेखि अवरुद्ध भएको राजमार्ग मंगलबार बिहानबाट  मात्र  सन्चालनमा आएको हो ।

 राजमार्गको जयपृथ्वी  नगरपालीका कचालीखोला स्थित र जाल्या बगरमा पहिरो खसेपछि राजमार्ग अवरुद्ध बनेको थियो ।जिल्ला प्रशासन कार्यालय र सरोकारवाला निकाएको पहलमा राजमार्ग चार दिन पछि  सन्चालनमा आएको छ  ।

पहिरोका कारण रोकिएका लामो तथा छोटो दूरीका सवारी–साधनहरुसमेत सन्चालनमा आएका छन् ।

सडक निर्माणकाक्रममा जथाभावी डाँडा काटिएका कारण पहिरो जाने समस्या बढेको स्थानीय गुनासो  समेत रहेको छ ।