राजनीतिक मामिला हेर्ने अमेरिकी उपविदेशमन्त्री एलिसन हुकरले न्युयोर्कमा परराष्ट्रमन्त्री शिशिर खनालसँग भेटवार्ता गरेकी छन्।

भेटका क्रममा उपविदेशमन्त्री हुकरले भोटेकोशी बाढीमा बेपत्ता रहेका करिब ७० अमेरिकी परिवारसहित बाढीबाट प्रभावित सबैप्रति अमेरिकाको सहानुभूति व्यक्त गरिन्।

उनले बाढी प्रभावित क्षेत्रमा स्थायी पुल निर्माणका लागि १ करोड अमेरिकी डलर र प्रभावित समुदायका लागि खानेपानी, सरसफाइ, आश्रय, सुरक्षा, जीविकोपार्जन तथा जाडोसम्बन्धी सहयोगका लागि थप ८० लाख डलर उपलब्ध गराउने योजना सार्वजनिक गरिन्।

त्यस्तै, भविष्यमा विपद् पुनर्स्थापना तथा प्रतिकार्यमा प्रयोग हुने अमेरिकामा निर्मित ड्रोनका लागि १ करोड ३० लाख डलर उपलब्ध गराउने योजना पनि उनले बताइन्।

नयाँ घोषणासँगै नेपालको बाढी प्रतिकार्य तथा पुनर्लाभका लागि अमेरिकाको कुल सहयोग ३ करोड ६० लाख डलरभन्दा बढी पुगेको छ।