बाँकेको नेपालगञ्ज उपमहानगरपालिका–१९ भैयापुरस्थित न्यु किसान इँटा भट्टामा पर्खाल भत्किँदा दुई जना मजदुरको मृत्यु भएको छ।

गत साउन १८ गते बिहान करिब ११:२० बजे इँटा भट्टाको पर्खाल अचानक भत्किँदा ५२ वर्षीय वर्षादी लोधको घटनास्थलमै मृत्यु भएको थियो। दुर्घटनामा गम्भीर घाइते भएका ४५ वर्षीय राम फेरन कोरीको उपचारका क्रममा बुधबार बिहान ३:३० बजे मृत्यु भएको प्रहरीले जनाएको छ।

घटनापछि लोधको शव पोस्टमार्टम गरी आफन्तको जिम्मा लगाइएको छ भने कोरीको शव पोस्टमार्टमका लागि अस्पतालमा राखिएको छ।

पर्खाल भत्किनुको कारणबारे प्रहरीले अनुसन्धान गरिरहेको बाँके प्रहरीले जनाएको छ।