नेकपा एमाले बागमतीमा मुख्यमन्त्रीका लागि सहमति जुटेको छ।

मङ्गलबार पार्टी केन्द्रीय सचिव महेश बस्नेत र राजन भट्टराईसहितका नेताहरूको छलफलले बागमती प्रदेशको मुख्यमन्त्रीमा भक्तपुरका किरण थापा र बागमती प्रदेश दलको नेता जगन्नाथ थपलिया नै रहने गरी सहमति जुटेको प्रदेश सांसद केशव पोखरेलले जानकारी दिए । 

यसअघि बागमती प्रदेश सभाका एमाले संसदीय दलका नेता थपलियाविरुद्ध अविश्वास प्रस्ताव दर्ता गरिएको थियो ।

पछिल्लो सहमतिसँगै प्रदेश संसदीय दलको बैठक आज दिउँसो हेटौडामा बसेर थापालाई मुख्यमन्त्रीका रूपमा औपचारिक रूपमा अघि सार्ने निर्णय गरेको छ ।