पार्टी अध्यक्ष केपी शर्मा ओलीको खप्की खाएर ढलेका नेकपा एमाले बागमती प्रदेश संसदीय दलका नेता जगन्नाथ थपलियालाई भेट्न एमाले महासचिव शंकर पोखरेल वीर अस्पताल पुगेका छन् । अध्यक्ष ओली र पार्टी सचिव महेश बस्नेतले गुन्डुमा डाकेर थपलियालाई प्रदेश संसदीय दलको नेताबाट राजीनामा दिन चर्को दबाब दिएका थिए ।

उनी गत सोमबार साँझ गुन्डुस्थित अध्यक्ष ओली निवासमा बोल्दाबोल्दै बेहोस भएर ढलेका थिए । त्यसपछि उनलाई त्यही रात भक्तपुरको मध्यपुर थिमी अस्पतालमा उपचारपछि त्रिपुरेश्वरस्थित होटलमा लगिएको थियो ।

गत मंगलबार दिउँसोदेखि भने उनलाई वीर अस्पतालमा उपचारका लागि राखिएको छ । थपलिया टाइप–२ मधुमेह (डायबिटिज मेलाइटस) का बिरामी हुन् । थपलियाको अवस्था बुझ्न महासचिव पोखरेल वीर अस्पताल पुगेका हुन् ।