कर्णाली राजमार्ग अन्तर्गत दैलेखको डुङ्गेश्वरमा ट्रकले मोटरसाइकललाई ठक्कर दिँदा एक जनाको मृत्यु भएको छ । ‎‎मृत्यु हुनेमा कैलालीको गोदावरी घर भई तल्लोडुङ्गेश्वर बस्दै आएका प्रेमबहादुर रोकाया रहेको दैलेख प्रहरीले जनाएको छ।

‎‎शनिबार सुर्खेतदेखि कालिकोटतर्फ जाँदै गरेको भे १ ख ३७१० नम्बरको ट्रकले विपरीत दिशातर्फ आउँदै गरेको भे १४ प ६७१४ नम्बरको मोटरसाइकललाई ठक्कर दिएको थियो। ‎‎त्यस क्रममा मोटरसाइकल चालक  रोकायालाई चोट लागेको थियो। उनको घटनास्थलमै मृत्यु भएको दैलेख प्रहरीले जनाएको छ।