प्रधानमन्त्री वालेन्द्र शाहले सुनसरीमा तनाव सुरू भएको पाँच दिनपछि बल्ल बिहीबार अपराह्न देशबासीका नाममा सम्बोधन गर्ने भएका छन्।

सुनसरीको देवानगञ्ज गाउँपालिकास्थित कप्तानगञ्जबाट दुई समुदायबीच फैलिएको तनावको पाँच दिनपछि गृहमन्त्री सुधन गुरूङलाई त्यता पठाएर बालेनले देशवासीलाई सम्बोधन गर्न लागेका हुन् । सुधनसँगै स्वास्थ्यमन्त्री निशा मेहता पनि त्यता जाँदैछिन् ।

यसअघि बुधबार मात्रै सामाजिक सञ्जालमा लेखेर सुनसरी घटनाका दोषीलाई कारबाही गर्ने उनले बताएका थिए । उनले त्यसबेला उक्त घटनाप्रति दुःख व्यक्त गर्दै मृतकका परिवारलाई न्याय, पीडितलाई क्षतिपूर्ति र दोषीमाथि कानुनबमोजिम कारबाही गर्ने प्रतिबद्धता जनाएका थिए। तर अहिलेसम्म सरकारले क्षतिपूर्ति घोषणा गरेको छैन ।

बालेनले सामाजिक सञ्जालमार्फत धारणा सार्वजनिक गर्दै भावित परिवारको पीडा सरकारले महसुस गरेको उल्लेख गर्दै उनले न्याय र क्षतिपूर्ति उपलब्ध गराउन सरकार प्रतिबद्ध रहेको बताएका थिए ।