काठमाडौं । नेकपा एमालेका अध्यक्ष केपी शर्मा ओली दाँतसम्बन्धी समस्याको उपचारका लागि बिहीबार त्रिभुवन विश्वविद्यालय शिक्षण अस्पताल पुगेका छन्।

त्रिवि शिक्षण अस्पतालका कार्यकारी निर्देशक प्रा. डा. सुवास आचार्यका अनुसार दाँतमा समस्या देखिएपछि ओली अस्पताल पुगेका हुन्।

‘उहाँ अस्पताल आउनुभएको जानकारी पाएको छु। चिकित्सकहरूले स्वास्थ्य परीक्षण तथा उपचार गरिरहनुभएको छ,’ आचार्यले बताए।

ओलीको स्वास्थ्य अवस्थाबारे थप विवरण भने सार्वजनिक गरिएको छैन। अस्पताल स्रोतका अनुसार चिकित्सकको निगरानीमा आवश्यक परीक्षण र उपचार भइरहेको छ।

पूर्वप्रधानमन्त्रीसमेत रहेका एमाले अध्यक्ष ओली उपचारका लागि अस्पताल पुगेको खबर सार्वजनिक भएसँगै उनका शुभेच्छुक तथा कार्यकर्ताले स्वास्थ्य लाभको कामना गरेका छन्।