राष्ट्रिय स्वतन्त्र पार्टी (रास्वपा) को सचिवालय बैठक बिहीबार बस्ने भएको छ। बैठकमा पार्टीको पहिलो महाधिवेशनको तयारी तथा समसामयिक संगठनात्मक विषयमा छलफल गरिने जनाइएको छ।

रास्वपाले आगामी साउन ७ गतेदेखि पहिलो महाधिवेशन आयोजना गर्दैछ, जसमा देशभरबाट करिब २५ हजार प्रतिनिधिको सहभागिता रहने अपेक्षा गरिएको छ। महाधिवेशनलाई व्यवस्थित बनाउन पार्टी नेतृत्वले प्रदेशस्तरमा परामर्श र संवादलाई तीव्रता दिएको छ। साथै, नयाँ विधान पारित गर्ने तयारीसमेत अघि बढाइएको छ।