काठमाडौं — सरकारद्वारा प्रस्तुत नीति तथा कार्यक्रममाथि प्रतिनिधि सभामा छलफल चलिरहँदा अर्थमन्त्री स्वर्णिम वाग्ले पूरा समय बैठकमा उपस्थित भएका छन्।

छलफलका क्रममा विपक्षी दलका नेताहरू तथा सत्तापक्षका सांसदहरूले आफ्ना धारणा राखिरहेका बेला अर्थमन्त्री वाग्लेले सम्पूर्ण समय संसद बैठकमा बसेर ध्यानपूर्वक सुनेका थिए।

बैठकमा उनले विपक्षी तथा सत्तापक्ष दुवै तर्फबाट उठाइएका गम्भीर विषयहरू ध्यानपूर्वक सुनेको र केही प्रसङ्गमा टिप्पणीसमेत गरेको देखिएको थियो।

यसैगरी कानुनमन्त्री सोबिता गौतम पनि प्रतिनिधि सभा बैठकमा उपस्थित रहेकी थिइन्।

सरकारले ल्याएको नीति तथा कार्यक्रममाथिको छलफल प्रतिनिधि सभामा निरन्तर जारी छ।