इजरायली सेनाले गाजाका लागि मानवीय सहायता सामग्री बोकेको जहाज नियन्त्रणमा लिएपछि हिरासतमा परेका नौ इन्डोनेसियाली नागरिक स्वदेश फर्किंदै छन्।

इन्डोनेसियाका विदेशमन्त्री सुगियोनो का अनुसार स्वयंसेवकहरू इजरायली क्षेत्रबाट टर्कीको इस्तानबुलतर्फ प्रस्थान गरिसकेका छन् र चाँडै इन्डोनेसिया पुग्ने अपेक्षा गरिएको छ।

उनले उनीहरूको रिहाइ र सुरक्षित फिर्ती कूटनीतिक प्रयास तथा टर्की सरकारको सहकार्यबाट सम्भव भएको बताए। साथै, नजरबन्दका क्रममा भएको अमानवीय व्यवहारप्रति आपत्ति जनाउँदै अन्तर्राष्ट्रिय मानवीय कानूनको उल्लङ्घन भएको टिप्पणी गरेका छन्।