कास्की जिल्ला अदालतले रवि लामिछाने सहित सहकारी ठगीसम्बन्धी मुद्दाका प्रतिवादीहरू विरुद्ध दायर संगठित अपराध र सम्पत्ति शुद्धीकरण सम्बन्धी अभियोग खारेज गर्दै मुद्दा आंशिक रूपमा संशोधन गरेको छ।

न्यायाधीश हिमलाल बेल्बासेको एकल इजलासले सहकारी ठगीसम्बन्धी अभियोग भने कायम रहने आदेश दिएको हो। अदालतका अनुसार जाहेरवालाको मागअनुसार ठगीसम्बन्धी मुद्दा जारी रहने तर अन्य अभियोगहरू कायम नरहने गरी संशोधन गरिएको छ।

आदेशमा संगठित अपराध र सम्पत्ति शुद्धीकरणका मुद्दा कायम रहँदा मिलापत्र तथा बिगो फिर्ता प्रक्रिया जटिल हुन सक्ने भन्दै संशोधन गरिएको उल्लेख छ।