काठमाडौँ — बागमती प्रदेश प्रदेशसभाको वर्षे अधिवेशन आजदेखि सुरु हुँदैछ। प्रदेशसभा सचिवालयका सचिव रामकुमार पौडेलका अनुसार बैठक दिउँसो १ बजे बस्नेछ।

अधिवेशनको पहिलो बैठकमा मुख्यमन्त्रीसहित प्रदेशमा प्रतिनिधित्व गर्ने सबै दलका संसदीय दलका नेताहरूले आ–आफ्ना धारणा प्रस्तुत गर्ने कार्यसूची रहेको छ।

प्रदेश सरकारको सिफारिसमा प्रदेश प्रमुख दीपकप्रसाद देवकोटा ले संविधानको धारा १८३ को उपधारा (१) बमोजिम अधिवेशन आह्वान गरेका हुन्।

यो वर्षे अधिवेशन आगामी आर्थिक वर्ष २०८३/८४ को नीति तथा कार्यक्रम र बजेटलाई मुख्य एजेन्डा बनाउँदै केन्द्रित रहनेछ।