अष्ट्रेलियाले नेपालका प्रधानमन्त्री बालेन्द्र शाहलाई पदभार सम्हालेकोमा बधाई दिएको छ।

अष्ट्रेलियाकी विदेशमन्त्री पेनी वोङले प्रधानमन्त्री शाहलाई बधाई सन्देश पठाउँदै सफल कार्यकालको कामना गरेको यहाँस्थित अष्ट्रेलियाली राजदूतावासले जनाएको छ।

बधाई सन्देशमा अष्ट्रेलिया र नेपालबीचको मित्रता सुदृढ रहेको उल्लेख गर्दै विदेशमन्त्री वोङले शान्त, स्थिर र समृद्ध एसिया–प्रशान्त क्षेत्र निर्माणका लागि प्रधानमन्त्री शाहसँग सहकार्य गर्न आफू तत्पर रहेको बताएकी छन् ।