जुबा — दक्षिण सुडान मा बढ्दो भोकमरी संकटका कारण सन् २०२६ अप्रिलदेखि जुलाईसम्म करिब ७८ लाख मानिस चरम खाद्य असुरक्षामा पुग्ने चेतावनी अन्तर्राष्ट्रिय संस्थाहरूले दिएका छन्।

संयुक्त राष्ट्रसंघ अन्तर्गत खाद्य तथा कृषि सङ्गठन (FAO), विश्व खाद्य कार्यक्रम (WFP) र युनिसेफ ले सार्वजनिक गरेको पछिल्लो आईपीसी प्रतिवेदनअनुसार देशको करिब ५६ प्रतिशत जनसंख्या गम्भीर खाद्य असुरक्षाको जोखिममा छ।

प्रतिवेदनले ७३ हजारभन्दा बढी मानिस “विनाशकारी” भोकमरीको अवस्थामा रहेको र २५ लाखभन्दा बढी आपतकालीन खाद्य संकटमा रहेको देखाएको छ। थप ५३ लाख मानिस सङ्कटग्रस्त अवस्थामा रहेको उल्लेख गरिएको छ।

संयुक्त राष्ट्रका निकायहरूले यो अवस्था द्वन्द्व, विस्थापन, आर्थिक संकट, जलवायु परिवर्तन र कृषि उत्पादनमा गिरावटका कारण थप गम्भीर बन्दै गएको बताएका छन्।