इरानसँग जारी युद्धका क्रममा हालसम्म १३ अमेरिकी सैनिकको मृत्यु भएको छ।

अमेरिकी रक्षा मन्त्रालयका अनुसार इराकमा बिहीबार इन्धन भर्ने सैन्य विमान दुर्घटनामा मृत्यु भएका ६ सैनिकको पहिचान सार्वजनिक गरिएको छ। उक्त दुर्घटनाको कारणबारे अनुसन्धान भइरहेको जनाइएको छ।

यस दुर्घटनापछि इरानसँगको युद्धमा मृत्यु हुने अमेरिकी सैनिकको संख्या १३ पुगेको छ, जसमा ७ सैनिक प्रत्यक्ष युद्धका क्रममा मारिएका थिए।

रक्षा मन्त्रालयका अनुसार हालसम्म करिब १४० अमेरिकी सैनिक घाइते भएका छन्, जसमध्ये ८ जनाको अवस्था गम्भीर रहेको छ।