राष्ट्रिय स्वतन्त्र पार्टी (रास्वपा)का सभापति रवि लामिछाने चितवन पुगेका छन् । आसन्न प्रतिनिधिसभा निर्वाचन केन्द्रित कार्यक्रमका लागि लामिछाने बिहीबार चितवन पुगेका हुन् ।

चितवन पुग्दा लामिछानेलाई भरतपुर विमानस्थलमा रास्वपा नेता र कार्यकर्ता लगायत शुभेच्छुकहरूले स्वागत गरेका थिए ।

चितवन क्षेत्र नम्बर–२ बाट उम्मेदवार समेत रहेका लामिछानेले मतदाताहरूसँग अन्तर्क्रियाका साथै घरदैलो गर्ने तयारी गरेका हुन्  ।

रास्वपाले प्रत्यक्षतर्फ चितवन क्षेत्र नम्बर १ मा हरि ढकाल, क्षेत्र नम्बर २ मा लामिछाने, ३ मा सविता गौतमलाई उम्मेदवार बनाएको छ ।